O equipo está fabricado integramente en aceiro inoxidable AISI 316, cun espesor nominal de 8 mm en todos os seus elementos principais estruturais.
Os elementos móbiles, como as portas de acceso, están dotados dun eixe de 30 mm de diámetro, o que confire unha gran solidez e durabilidade durante a súa longa vida útil.
A calidade das soldaduras garante a estanquidade fronte aos axentes atmosféricos; ademais, dispón dunha viseira frontal que protexe aínda máis a zona das embocaduras.
Embocaduras en fundición de aluminio
As embocaduras, dispoñibles en 3 tamaños, van desde os 160 mm ata os 365 mm de diámetro, deseñadas para facilitar ao usuario o depósito dos residuos, distribuídas en función de cada fracción.
As trampillas que protexen estas embocaduras son de aluminio, pola súa lixeireza, e ademais son lisas sen ningún tipo de elemento cortante, o que evita enganches ou rozamentos.
O equipo está dotado de ata 14 fraccións de capacidade, indo desde os 45 litros para os residuos máis pequenos (como pilas e baterías), ata os 120 litros para os residuos máis voluminosos (por exemplo, pequeno electrodoméstico ou téxtil). Para os tubos fluorescentes, conta con 2 contedores especiais que permiten aloxar ata 80 unidades de 1.200 mm de longo, de xeito seguro grazas ao acolchado integrado.
Triplo sistema antirroubo e contra o vandalismo
A seguridade é algo crítico neste tipo de equipamento. Por iso, o punto limpo core.one conta cun sistema triplo:
• As pechaduras están protexidas por un escudo de seguridade de aceiro inoxidable, que evita actos de vandalismo na pechadura.
• Estas pechaduras de alta seguridade fixan as portas en 3 puntos.
• Para os residuos, todas as fraccións dispoñen de sistema antirroubo que ocultan da vista os residuos e evita a súa retirada.
Modularidade
Cos seus 3 módulos diferentes, permite crear illas de reciclaxe adaptadas ás necesidades de cada zona.
Sostibilidade
Os materiais empregados para a fabricación do equipo foron coidadosamente seleccionados para garantir a máxima economía circular posible, facendo que os aceiros teñan unha porcentaxe de 86% de material reciclado, e no caso dos compoñentes de aluminio un 100% de material reciclado.
Uso intelixente do espazo
O deseño optimizouse para maximizar a súa capacidade e rendibilizar o espazo que ocupa na vía pública. Un total de 14 fraccións ofrecen 1.026 litros de capacidade, acadando unha capacidade por superficie ocupada de 267 litros/m2.
Accesibilidade universal
Comprensible e usable por todas as persoas.
Pensado para ser inclusivo, Core One cumpre con criterios de accesibilidade cognitiva e física: todas as bocas de achega están por debaixo de 1,2 metros.
Pictogramas deseñados segundo as pautas de accesibilidade urbana (Fundación ONCE).
Etiquetado en Braille para todas as fraccións.
Mantemento e adaptabilidade
As portas de gran tamaño permiten un acceso cómodo ao interior, e os contedores interiores están guiados mediante pestanas e encaixados na súa posición, de maneira que se garante o seu correcto posicionamento de xeito fácil polos operarios.
En caso de dano, os recambios necesarios son elementos comerciais e de baixo custo, co que é un produto cun impacto no custo de mantemento moi baixo.
O acabado superficial inclúe un tratamento anti-grafiti, o que permite retirar pintadas sen usar disolventes agresivos. Isto é mellor para o operario, que non está exposto a elementos tóxicos, e mellor para a durabilidade do material. Ademais, o acabado texturizado da súa superficie facilita a eliminación de manchas.
O deseño das súas embocaduras permite substituír ou cambiar fraccións de xeito moi sinxelo, permitindo campañas específicas, aumento de capacidade ou a incorporación de novas fraccións.
Especificacións técnicas
Dimensións xerais
Embocaduras
Materiais exteriores
Aceiro inoxidable AISI 316 de 8mm lacado en cor RAL personalizable.
Bisagra e pechadura en aceiro inoxidable.
Bocas en aluminio.
Materiais interiores
Chapa de aceiro inoxidable AISI 316.
Contedores de plástico de carga traseira segundo norma UNE 840.
Contedores metálicos.
